Quiboloy, magpasaka og criminal complaint batok sa pipila ka mga opisyal

Nagplano si Pastor Apollo Quiboloy nga magpasaka og criminal complaint batok sa pipila ka mga opisyal tungod sa ilang mga pampublikong pahayag batok kaniya, sumala sa iyang abogado nga si Atty. Ferdinand Topacio.

Matud ni Topacio, apil sa ilang planong reklamo ang mga pahayag nga nag-akusar kang Quiboloy sa mga krimen sama sa pedophilia, rape ug acts of lasciviousness bisan pa nga nagpadayon pa ang mga kaso batok kaniya.

Giingon sa abogado nga dili sakop sa parliamentary immunity ang maong mga pampublikong pahayag.

Giplano usab sa kampo ni Quiboloy ang pagpasaka og libel ug cyber-libel complaints batok sa pipila ka mga personalidad, lakip si Senator Risa Hontiveros, kanhi Senador Leila de Lima ug Representative Perci Cendaña.