Andam na ang House prosecution nga sugdan sa sunod semana ang presentasyon sa mga ebidensya kalabot sa matud pa unexplained wealth ni Vice President Sara Duterte.
Kapin 1,800 ka financial documents ug hangtod 25 ka testigo ang giandam sa prosecution, lakip ang kanhi senador nga si Antonio Trillanes IV.
Matud kang House prosecutor Manila Representative Joel Chua, mobalhin na ang prosecution sa Article II sa impeachment case human makompleto ang presentasyon sa Article I bahin sa matud pa sayop nga paggamit sa confidential funds.
Samtang, susihon sa prosecution ang mga SALN ni Duterte gikan 2019 hangtod 2024, lakip ang iyang bank ug tax records, ingon man ang records sa iyang bana nga si Manases Carpio ug sa mga kompanyang konektado kanila.
Apil usab sa ebidensya ang report sa Anti-Money Laundering Council o AMLC nga mitumbok sa 663 ka transaksyon nga mokabat sa ₱6.77 bilyon nga gikonekta kang Duterte ug Carpio.
Matud ni Chua, padayon ang ilang trabaho sa impeachment trial bisan pa sa pending nga reklamo batok kanila