Gikalipay sa mga purok leader ang probisyon ug posibilidad nga mahimo silang regular nga Job Order (JO) workers sa lokal nga gobyerno tungod sa daghang mga obligasyon ug serbisyo nga ilang gipas-an matag adlaw.
Gipahayag sa mga lokal nga panggahanan sa barangay ang ilang pamaagi ug kasamtangang kahimtang bahin sa pagserbisyo nga walay ginadawat nga pormal nga sweldo.
Sa pakighinabi sa Bombo Radyo Malaybalay kang Marites Balili Purok Leader Barangay 10, gisaysay niini nga dako ang ilang kalipay kon mahimo silang JO tungod sa kadaghan sa ilang assignment ug mga evaluation sa purok.
Sa pikas bahin, gipaambit usab ni Nenebie Aranaida Purok Leader Barangay Sumpong, ang iyang kalipay apan isip boluntaryo, gipadayag niini nga wala silay gitakda nga sweldo samtang nagtrabaho para sa komunidad.
Bisan paman dili kaayo bug-at sa tan-aw sa uban, daghan gihapon sila og responsibilidad sama sa pagpanguna sa mga clean-up drive aron mag-awhag sa mga lumulupyo nga magparticipate.