Gihatagan og P1 milyon nga birthday gift sa talent manager nga si Ogie Diaz ang iyang anak nga si Erin atol sa iyang ika-25 nga birthday, tungod kay hangtod karon single pa kini ug wala pay anak.
Sa vlog ni Erin, nahimong emosyonal ang maong selebrasyon dihang gipresentar ni Ogie kaniya ang usa ka ceremonial check nga nagkantidad og P1 milyon.
Matud ni Ogie, gituman lamang niya ang iyang saad sa iyang mga anak nga hatagan sila og maong kantidad kung moabot sila sa edad nga 25 nga wala pay bana o asawa ug wala pay anak.
Sumala kaniya, gusto niya nga ma-enjoy sa iyang mga anak ang ilang pagkabatan-on una sila mosulod sa kaminyoon.
Imbis nga pangitaon ang partner sa edad nga 25, P1 milyon hinuon ang nadawat ni Erin isip premyo sa iyang pagka-single.