BUKIDNON / PEACE AND ORDER — Gipahayag sa Bukidnon Police Provincial Office nga nagpabilin nga mubu ug kontrolado ang kalinaw ug kasegurohan sa tibuok lalawigan taliwala sa gipahugtan nga Simultaneous Anti-Criminality Law Enforcement Operations o SACLEO.
Sa pakighinabi sa Bombo Radyo Malaybalay, gipahayag ni BukPPO Provincial Director PCol. Oliver Sotto Navales nga daghang kalampusan ang nadala sa maong operasyon batok sa ilegal nga tambal, pagpayuhot sa sigarilyo, ug pagdakop sa mga nagtago sa balaod. Lakip na niini ang pagkasikop sa Regional Number 5 ug Municipal Number 4 Most Wanted Person nga nag-atubang og upat ka counts sa kasong rape.
Dugang pa ni Navales, pabilin nga paborable ang peace and order situation gikan sa Enero hangtod kasamtangan tungod kay kasagaran sa mga natala mga solitarong insidente lamang ug pagresponde sa mga disgrasya sa karsada. Kasamtangan usab nga gipahugtan sa kapolisan ang seguridad alang sa pagsulod sa Ber-months ug pagdagsa sa mga turista sa probinsya, habig nga nagpasalamat ang opisyal sa suporta ni Governor Rogelio Neil Roque, mga alkalde, ug mga barangay tanod sa pakigbatok sa kriminalidad.