LOCAL NEWS / MALAYBALAY — Nakaplagang wala na’y kinabuhi sa Sawaga River, Barangay 9, Malaybalay City ang usa ka 49-anyos nga babaye nga una nang gikatahong nawala gikan sa ilang panimalay.
Giila ang biktima nga si Mary Leother “Bebing” Mier, residente sa Purok 6, Barangay Casisang. Subay sa report sa Malaybalay City Police Station, nakit-an ang bangkay sa biktima sa usa ka nangisda sa sapa kagahapon sa buntag, Setyembre 7.
Sa pakighinabi sa pamilya, gipahayag sa anak sa biktima nga si alyas “Inday” nga dugay nang nag-atubang sa depresyon ug kondisyon sa pangkaisipan ang iyang inahan. Gisaysay ni alyas “Inday” nga kaniadtong Biyernes nakasulti pa ang biktima nga molayat sa tulay apan napungan pa nila kini. Apan kaniadtong Sabado sa kadlawon, naanimuhan na lamang sa iyang bana nga si Eduardo Mier nga nawala na sa ilang tapad ang biktima habig nga nakaplagan na lamang kini nga naglutaw sa sapa human sa pipila ka adlaw nga pagpangita. Gihatod na sa funeraria ang saang lawas sa biktima samtang padayon ang imbestigasyon sa kapolisan.