Laing duha ka biktima sa flashflood sa Nepal naluwas sa mga rescue team 

Naluwas nga buhi ang usa ka Chinese nga trabahante sa hydroelectric plant ug usa ka Nepali nga babaye gikan sa mga guba nga nahibilin sa makusog nga pagbaha sa Nepal.

Ang Chinese nga si Lu Haitao nakit-an sulod sa 225 metros nga giladmon sa usa ka nabahaan nga tunnel sa Rasuwa, samtang ang 64-anyos nga si Chandika Kumari Shrestha nakit-an ilawom sa naguba niyang balay sa Nuwakot.

Na-trap sila sukad niadtong Agosto 26 human sa pagkahugno sa glacier sa Himalayas nga miresulta sa kusog nga baha. Ang duha ka rescue naghatag og paglaom nga posible pang adunay mga buhi taliwala sa liboan nga gikataho nga nawala.