Mikaylap sa internet ang usa ka video diin makita si Broadway icon Lea Salonga nga nagalingkod sa wheelchair tungod sa arthritis.
Matud ni Lea, usa kini ka fake news o bakak nga impormasyon, mipasabot usab ang aktres diin nabiktima ang iyang iya-an sa Maynila sa maong deepfake nga video.
Mipahayag kini sa iyang kabalaka ug nagpahimangno sa publiko. Matud ni Lea, nakita niini ang video nga siya anaa sa wheelchair tungod sa arthritis ug natambalan sa usa ka treatment.
Mitubag si Lea nga aduna kini gamay nga sakit sa kalawasan og gikapoy sa trabaho apan wala kini sa wheelchair, ug usa ka peke nga video ang nakita sa iyang iyaan. Kinahanglan nga magmatngon ug magbantay sa fake videos nga gihimo sa AI.
Kahinumduman nga niadtong 2024, gigamit usab si Lea ug ang Megastar nga si Sharon Cuneta sa usa ka fake ad alang sa giingon nga “natural” nga tambal sa diabetes.
Gigamit ang ilang dagway ug tingog sa mga produkto nga wala matud pa niini giendorso. Gawas kanila, nabiktima usab sa mga deepfake o AI-manipulated videos sila Anne Curtis, Amy Perez, ug Ogie Alcasid.