Gibarugan sa Department of Foreign Affairs (DFA) nga mamahimong tabangan sa nasud si kanhi pangulong Rodrigo Duterte isip mga Pilipino.
Gipasabot ni Undersecretary Eduardo de Vega nga sa dihang gidala ang kanhi pangulo sa The Hague nagpabilin ang pagka-Pilipino niini ug ang katungod nga matabangan pinaagi sa DFA.
Sa pangutana kon tugutan ang kanhi pangulo nga manumpa sa Philippine Embassy sa The Hague, Netherlands, giingon ni De Vega nga posible kining buhaton gumikan ang maong opisina nagsilbing extension sa gobyerno sa Pilipinas.
Nunot sa kahimtang sa kanhing pangulong Duterte, malaumon gihapon ang kampo niini nga matugutang makabiyahe paingon sa embahada aron manumpa isip bag-ong alkalde sa Davao City bisan pa man nga dili na miyembro ang Pilipinas sa International Criminal Court.