Gikataw-an ni Bise Presidente Sara Duterte ang pag-apil ni Presidente Ferdinand Marcos Jr. sa pagsunog sa kapin ₱9.48 bilyon nga kantidad sa iligal nga droga sa Capas, Tarlac niadtong Hunyo 26, ug gikonsedira nga usa ka photo op ang maong posisyon sa presidente ug dili tinuod nga solusyon.
Gisaway sa bise presidente nga dili trabaho niini ang mag photo op sa usa ka kalihukan sama sa pagsunog sa mga nasakmit nga mga droga.
Dugang pa ni VP Sara, iyang giatangan ang usa ka bloodless campaign kontra droga ni presidente Marcos Jr. subling magmalapuson kini.
Samtang sa pikas bahin, wala magpalupig ang Malacañang ug miluwat og mensahe ug mga litrato nga nag photo op usab matud pa ang kanhi pangulong Rodrigo Duterte kaniadto sa pagbunkag sa mga iligal nga droga.
Matod ni Usec. Claire Castro, seryoso ang intensyon ni PBBM, ug ang iyang pagpakita didto isip timaan nga suportado niini ang kampanya batok sa droga, ug aron ipakita sa katawhan nga aduna’y tinuod nga kalihukan.
Gipasundayag pa sa Palasyo ang ebidensya nga si kanhi Presidente Rodrigo Duterte amahan ni VP Sara niduaw usab kaniadto sa drug destruction event sa Cavite niadtong 2020, diin kapin ₱7.5 bilyon nga droga ang gisunog.
Gipasiugda sa Palasyo nga ang ilang tumong dili lang pang-picture, kundi aron ipakita nga paingon sa usa ka drug free nga nasud ang Pilipinas ug masolusyunan na ang kaso sa padayon nga pagsaka sa kaso sa droga ug mga krimen.