Mitahan na sa sabakan sa gobyerno ang usa ka miyembro sa New People’s Army kon NPA kansa gikaingong Deputy Secretary sa maong grupo.
Giila ang miyembro sa NPA nga si Carlo Gaboti, 37-anyos, ug Deputy Secretary sa rebeldeng grupo.
Matud pa ni Gaboti, nga 19 na kini ka tuig sa kalihokan, ug mikanaog kini niadtong March 9 ning tuiga, apan walay dala nga armas.
Gibutyag ni Gaboti, nga buot niini nga makauban ang iyang pamilya maong nakadesisyon kini nga mutahan.
Subay niini, gibutyag ni Outgoing Vice Mayor Renante Inocando, nga nadani matud pa si Gaboti sa gitanyag sa lokal nga panggamhanan sa Cabanglasan nga hinabang sama sa cash assistance ug housing.
Dugang pa ni Inocando, nga gawas sa cash assistance ug housing, priyoridad usab si Gaboti sa tanang livelihood program sa munisipyo sa Cabanglasan.