House prosecution panel, wala gimandoan ug dili obligadong mutubag sa ad cautelam ni Bise Presidente Sara Duterte sa writ of summons nga giisyu kaniya sa impeachment court.
Matud ni Senate President ug Impeachment Court Presiding Officer Chiz Escudero, nga dili obligadong motubag ang House prosecution panel sa ad cautelam o tubag ni Bise Presidente Sara Duterte sa writ of summons nga gipagawas sa Impeachment Court.
Gisiguro usab ni Escudero, nga tagaan og kahigayonan ang duha ka panig nga mahatagan og hustong panahon sa pagpangatarungan ug pagpresentar sa ilang mga argumento.
Giklaro usab sa Senate President, nga wala babgi sa Impeachment Court ang ghimo sa prosecution nga motubag sa publiko pinaagi sa press conference kabahin sa ilang reply sa tubag ni VP Sara.
Gipahimangnoan usab niini nga dili pa opisyal nga nagsugod ang proseso sa impeachment, hinungdan nga gidungog ang kagawasan sa matag panig nga magpahayag sa ilang baruganan.
Apan, dili usab hatagag pagtugot sa Senate Impeachment Court, ang posibilidad nga muhirit ang prosekusyon sa pagtakda og pre-trial ug trial date alang sa impeachment case ni Duterte.
Sumala pa sa Hunyo 30 pa ang otorisasyon sa mga kongresista isip mga prosecutor.
Gidugang pa niini, usa sa konsiderasyon ang pagkinahanglan nga makatubag una sa Kamara sa duha ka gipangayo sa Impeachment Court.
Dili usab gusto pangunahan ni Escudero kung unsa ang posibleng mahitabo kung dili mahatag sa Kamara ang ikaduhang requirement gumikan desisyon na matud pa kini sa tibuok Senate Impeachment Court.