Giklaro sa Mayor sa syudad sa Malaybalay nga wala kini gidapigan nga empleyado o bisan unsang ahensya sa gobyerno hilabi na og nalambigit kini sa illegal nga binuhatan.
Mapasalamaton matud pa si Pabillaran sa tanang ahensya hilabi na sa PDEA sa pagkasikop sa duha ka empleyado niini kansa gikaingong usa ka job order ug regular nga empleyado.
Dugang pa sa Mayor, nga ang pagkasikop sa mga nahisgutan nagpamatuod lamang nga walay gidapigan nga posisyon o ahensya ang balaod.
Gisaysay niini nga regular ang meeting City Anti-drug Abuse Council ug gapahigayon kini og tinuig nga drug testing.
Apan, giangkon sa Mayor nga dili mahimong doblehon ang pagdrug test sa matag tuig gumikan dako ang kantidad nga kinahanglanon sa pagpatuman niini.
Miluwat usab si Pabillaran, nga muatubang sa balaod ang mga dinakpan apan gikinahanglang nahisubay sa proseso, gipasalig niini ang desisyon sa mga otoridad ug human resources sa opisina.