Airstrikes gilusad sa Saudi Arabia batok sa rebeldeng Houthi sa Yemen

Naglusad og mga airstrike ang Saudi Arabia batok sa mga rebeldeng Houthi sa dunggoanang dakbayan sa Hodeidah sa Yemen ug sa mga duol nga isla niini.

Nahitabo ang maong pag-atake human nag-anunsyo ang grupong Houthi og maritime blockade ug padayong pagpamasikad sa mga barko sa Saudi Arabia.

Isip panimalos, gitaho sa media sa Houthi nga nagpahinabo og dako nga sunog sa dakbayan sa Jizan sa Saudi Arabia ang usa ka missile strike nga naggikan sa Yemen.

Sa pikas bahin, gipahibalo sa U.S. Military nga ilang gipabuthan ug gi-disable ang usa ka tanker ship sa Gulf of Oman nga misulay sa paglapas sa naval blockade sa Estados Unidos batok sa Iran.