Nahilakip sa kritikal nga kahimtang ang usa ka 37-anyos nga lalaki human naputol ang iyang ilong sa dihang gitigbas sa mag-amahan nga iyang kauban sa inom sa Purok 7, Barangay Madaya, Pangantucan, Bukidnon niadtong Hulyo 24.
Subay sa report sa Pangantucan Municipal Police Station, nag-inom ang biktima ug ang 40-anyos nga suspek nga giilang si Alyas Gilberto nangaging alas-8:00 sa gabii sa dihang nagkanindot ang ilang lalis hangtod nga nagka-sumbagay.
Gituohan nga giitabangan sa 26-anyos nga anak ang amahan sa pagpa-atake sa biktima, diin nibunot kini og sundang ug gitigbas ang biktima. Bisan pa man sa pagsulay sa biktima nga makalikay, naigo gihapon ang iyang nawong nga nagpahinabo sa pagkaputol sa iyang ilong.
Dali nga gidala sa mga rescue personnel ang biktima sa Pangantucan Medical Hospital apan gibalhin kini sa Bukidnon Provincial Hospital tungod sa kagrabe sa iyang samad.
Sa kasamtangan, nadakpan na sa kapulisan ang amahan nga si Alyas Gilberto nga mag-atubang og angayang kaso, samtang padayon usab ang hot pursuit operation batok sa nidagan nga anak nga maoy mitigbas sa biktima.