Historic Wage Increase, gikuwestyon sa Labor Group samtang nagkataas ang gasto sa panginabuhian

Gikuwestyon sa labor group ang giingong “historic” nga wage increase human giingon nga dili pa kini igo aron matubag ang epekto sa inflation ug ang tinuod nga panginahanglan sa mga mamumuo.

Matud ni kanhi Manggagawa Party-list Representative Rene Magtubo nga bisan adunay bag-ong P85 nga umento sa minimum wage, dili pa kini igo aron mabawi ang nawala nga purchasing power sa mga trabahante tungod sa pagsaka sa presyo sa mga batakang palaliton.

Samtang giila sa gobyerno ang pag-uswag sa ekonomiya sa nasud isip usa ka upper-middle-income country, giingon ni Magtubo nga wala pa kini hingpit nga mabati sa daghang Pilipino, ilabina sa sektor sa pamuo.