Nahugno ang bahin sa Davao-Bukidnon National Highway sa Barangay Marahan, Marilog District, Davao City, kagabii Hulyo 17, hinungdan nga dili na kini maagian sa mga sakyanan.
Gisirad-an dayon sa mga otoridad ang maong lugar ug gibutangan og mga warning device aron malikayan ang dugang aksidente.
Adunay mga giingong balay nga naapektuhan sa natigayung landslide, apan padayon pa ang beripikasyon sa mga otoridad aron matino ang tinuod nga kahimtang ug gilapdon sa kadaot.
Dakong epekto usab kini sa mga biyahero, drayber, negosyante, ug mga pasahero nga nagsalig sa Davao-Bukidnon route alang sa trabaho, panginabuhi, ug pagbiyahe sa pagdala sa mga produkto.
Sa pagkakaron, wala pa’y anunsyo kung kanus-a maablihan pag-usab ang maong national highway, busa giawhag ang publiko nga mogamit og alternatibong ruta ug maghulat sa opisyal nga pahibalo.