Nasikop sa usa ka buy-bust operation ang usa ka 32-anyos nga lalaki nga nailhang “Buldog” sa Purok 7, Barangay Don Carlos Norte, Don Carlos, Bukidnon.
Narekober gikan sa suspek ang unom ka heat-sealed nga plastik nga sachet nga adunay gituohang shabu nga adunay kinatibuk-ang gibug-aton nga 2.30 gramos ug gibanabana nga kantidad nga ₱15,640.
Nakuha usab ang buy-bust money ug uban pang ebidenya.
Gi-andam na sa kapulisan ang kasong paglapas sa Sections 5 ug 11 sa co Comprehensive Dangerous Drugs Act of 2002 batok sa nadakpan.
Samtang ang mga nakompiskang ebidensya gidala sa Bukidnon Provincial Forensic Unit alang sa eksaminasyon, ang suspek nagpabilin ubos sa kustodiya sa Don Carlos Municipal Police Station alang sa hustong dokumentasyon ug disposisyon.