Nanawagan si Pope Leo XIV sa tanang nasud ug mga lider sa kalibutan nga buhaton ang tanan aron tapuson na ang nagpadayong trahedya gumikan sa gubat, ilabina sa nasud sa Israel tali sa Iran.
Sa iyang mensahe, mipadayag siya og dakong kabalaka sa kahimtang sa mga inosenteng sibilyan nga naapektuhan sa panagbangi.
Matud sa Santo Papa, ang kalinaw dili makab-ot pinaagi sa kagubot, kundili pinaagi sa panaghiusa, respeto sa dignidad sa matag usa, ug tinuod nga pakighiusa isip mga tawo.
Gihangyo usab niya ang mga lider sa kalibutan nga hunungon ang kasamok ug magtinabangay sa pagsulbad sa panagbangi pinaagi sa malinawon nga paagi ug diyalogo tali sa nagkalain-laing kultura ug relihiyon.
Nanawagan si Pope Leo XIV sa tanang Katoliko ug tanang magtutuo nga maghiusa sa pag-ampo alang sa kalinaw ug proteksyon sa mga inosenteng naapektuhan sa gubat.
Gisuportahan sa daghang lider sa relihiyon ug mga internasyonal nga organisasyon ang panawagan sa Santo Papa alang sa kalinaw ug tinguha nga matapos na ang kagubot sa rehiyon.