Gihulipan na ang karong adlawa ang regional direktor nga si PBGEN Jaysen De Guzman sa Police Regional Office (PRO) sa Rehiyon 10.
Sa pakighinabi sa Bombo Radyo Malaybalay, gibutyag ni PMaj. Joann Navarro, tigpamaba sa PRO-10, nga mihulip isip bag-ong Regional Director si PBGen. Rolindo Suguilon.
Matud pa ni Navarro, si PBGEN Suguilon gikan sa Criminal Investigation and Detection Group (CIDG). Samtang si Gen. De Guzman gibalhin sa Police Regional Office Bangsamoro For Automous Region kon BAR.
Ang maong reshuffling kabahin sa regular nga rotation sa liderato sa PNP aron masiguro ang epektibong pagserbisyo sa katawhan.
Gilauman nga magpadayon ang kampanya batok kriminalidad ug ilegal nga droga sa rehiyon ilawom sa bag-ong liderato ni PBGEN Suguilon.
Kasamtangang, gipaabot ang opisyal nga pamahayag sa pag-ilis sa liderato sa PRO 10 ug ang dugang impormasyon alang sa plataporma niini isip bag-ong Regional Director.