Walay nakita nga maayo si Presidente Ferdinand Marcos Jr .nga maayong benipisyo ngadto na sa k-12 program bisan pa man sa tinguha nga makahatag kini ug oportunidad sa trabaho sa mga nagtapos sa senior high school. matod sa pangulo, daghan gihapon ang mga estudyante nga dili makatrabaho bisan nakatapos na sa nasangpit nga programa.
Nasubo si Marcos sa dugang nga gasto nga gipas-an sa mga ginikanan tungod sa k-12, sama sa tuition, libro, ug school supplies sulod sa napulo ka tuig nga implementasyon niini. bisan pa man, iyang gipasabot nga ang kongreso ang angay maghimo sa desisyon kung iamyendahan o bawi-on ang balaod sa k-12. gihisgotan sa pangulo nga nagpadayon ang kolaborasyon sa gobyerno ug pribadong sektor aron mapaayo ang sistema sa edukasyon, ilabi na sa pag-atubang sa skills mismatch nga nagapadayon sa mga estudyante ug trabahuan. apil niini ang pakig-partner sa mga pribadong kompanya sa pagpanday ug pag-ayo sa mga tunghaan, ilabi na ang kakulangan sa kapin 160,000 ka classrooms sa tibuok nasud.
Gipadayag usab sa pangulo ang kasubo sa kahimtang sa edukasyon, gikan sa pasilidad hangtod sa kalidad sa pagtudlo. usa sa iyang giila nga problema mao ang kakulang sa kabahilo sa pagbasa sa daghang estudyante. daghan sa mga classrooms ang karaan na kaayo ug gikan pa sa panahon sa iyang amahan,dunay pay nangasunog apan wala kini hatagi og pagtagad sa mga nag-una nga administrasyon. Gisiguro usab sa pangulo nga ang kaayuhan sa mga public school teachers usa sa mga prayoridad karon. apil sa mga giusab ang sistema sa administrasyon nga nakaapekto sa ilang trabaho, sama sa delayed nga sweldo ug daghang buhaton nga papel.