Napili na si Rina Andrea Delos Santos sa Ballesteros, Cagayan isip bag-ong Miss Philippine Earth 2026. Gipildi niini ang 31 ka uban pang kandidata sa grand coronation nga gipahigayon sa Malitbog Cultural Center sa Malitbog, Bukidnon.
Tungod wala makatambong ang reigning queen nga si Joy Barcoma, ang korona gidawat ni Delos Santos gikan sa kasamtangang Miss Earth nga si Natalie Puskinova sa Czech Republic.
Gikoronahan usab isip Miss Philippines Air si Prima Joy Alamban, Miss Philippines Water si Alyssa Villariña, Miss Philippines Fire si Patricia Bangug, ug Miss Philippines Eco-Tourism si Roveelaine Eve Castillo.
Samtang, nakasulod sa Top 10 ang pambato sa Cebu City nga si Kirsten Dawn Delerio, nga giila sa daghan nga mipakita og lig-on nga performance sa kompetisyon.
Nagpabilin gihapon nga dakong dungog ang iyang nahimo bisan wala makasulod sa final winners.
Ang maong pageant nagtumong sa pagpasiugda sa environmental awareness ug eco-tourism sa nasud.