Pope Leo, nagpadala og €100,000 nga ayuda sa mga biktima sa linog sa Venezuela

Nagdonar si Pope Leo XIV og €100,000  nga tabang alang sa mga biktima sa kusog nga linog sa Venezuela.

Sumala sa Vatican, gikan kini sa Apostolic Almonry, ang opisina sa Santo Papa nga nag-atiman sa mga buluhaton ug pagtabang sa mga naginahanglan. 

Dugang pa, inisyal pa lamang kini nga ayuda para sa mga emergency rescue ug relief operations para sa nahitabo nga serye sa linog sa Venezuela nga may magnitude 7.2 ug 7.5, diin liboan na ang apektado ug kapin 1,430 na ang natahong namatay base sa pinakabag-ong report sa mga otoridad.

Gawas sa Vatican, daghang mga nasud ug internasyonal nga organisasyon na usab ang nagpadayag sa ilang kaandam sa pagpadala og tabang, lakip na ang Cuba, Iran, Italy, Estados Unidos, ug ang European Union.