- Advertisement -
Padayong miusos ang presyo sa lana sa global trading sa ikaduhang adlaw gumikan sa maayong dagan sa kasabutan sa kalinaw tali sa Amerika ug Iran. Gikatahong miusos og kapin 10% ang crude oil, diin nakatala og P5.50 nga pagkunhod matag litro ang gasolina ug P10.00 sa kerosene tungod sa planong pag-abli pag-usab sa Strait of Hormuz ug paglugak sa sanksyon sa krudo sa Iran.
Taliwala niini, nagpahayag ang Meralco nga posibleng mosunod sa pag-ubos ang singil sa kuryente sa nasud. Apan giklaro niini nga dili kini dihadiha dayon bation sa mga konsumidor tungod kay kinahanglan pa nga hutdon una og gamit ang mga daan ug mas mahal nga suplay sa lana sa mga power plant.
- Advertisement -