Gitapos na sa Barangay Ginebra ang ilang tulo ka tuig nga kauhaw sa kampeonato human nila gipildi ang TNT Tropang 5G sa score nga 88-76 sa makasaysayanong Game 7 sa 50th Season Commissioner’s Cup Finals didto sa Mall of Asia Arena. Narekord usab sa maong krusyal nga dula ang dungganong 24,617 ka mga fans nga personal nga misaksi sa kulbahinam nga sangka.
Mibida alang sa Gin Kings ang import nga si Justin Brownlee kinsa miposa og 30 puntos aron pangunahan ang gihimong rally sa koponan sa ikaduhang bahin sa dula. Gipasidunggan usab si Scottie Thompson isip Finals Most Valuable Player (MVP) human mitala og dako nga kontribusyon nga duna’y 19 puntos, 11 ka rebounds, ug 8 ka assists, nga maoy naseguro sa labing unang kampeonato sa Ginebra sukad niadtong 2022-2023 season.