Higanteng bato nahimong tourist attraction sulod sa usa ka supermarket sa Estonia

Gidagsa sa mga mamalitay ug mga bisita ang usa ka supermarket sa Estonia tungod sa talagsaong atraksyon niini—usa ka higanteng bato nga nahimutang mismo sa sulod sa maong shopping center.

Ang maong bato, nga duna’y gitas-on nga 22 metros ug gilapdon nga 6 metros, gituohang kapin na sa 10,000 ka tuig ang kagulangon sukad pa sa panahon sa Ice Age. Nadiskobrehan kini sa mga trabahante sa dihang nag-ukay sa yuta alang sa konstruksyon sa supermarket, ug imbis nga gub-on o kuhaon, gipreserba kini sa tag-iya ug nahimo na karong usa ka sikat nga atraksyon.