Gidawat sa DXCB Bombo Radyo Malaybalay ang usa ka dungganong pag-ila gikan sa Headquarters sa 8th Infantry (Dependable) Battalion, 4th Infantry (Diamond) Division sa Philippine Army nga nakabase sa Brgy. Poblacion, Impasugong, Bukidnon.
Ang maong Plaque of Recognition gihatag isip pagpasalamat sa bililhong suporta ug tiunay nga dedikasyon sa sibyaanan isip media partner sa kasundalohan. Gidayeg sa militar ang dako nga kontribusyon sa Bombo Radyo pinaagi sa responsable, saktong oras, ug matinud-anong pagpakaylap og impormasyon nga nakatabang og dako sa pagpatunhay sa kalinaw, kalambuan, ug pagtukod sa nasod (nation-building).
Giandam ang maong pasidungog alang sa pagahimoong Dependable Media Kapehan karong Hunyo 16, 2026, ubos sa pagpanguna ug pirma ni Lt. Col. George R. Jallorina, ang Commander sa 8th Infantry Battalion.
Taliwala niining dako nga dungog, ang DXCB Bombo Radyo Malaybalay padayon sa pag-alagad kaninyo, katawhan, ug magpabiling inyong lig-on ug kasaligang kaabag sa kamatuoran, makiangayong pamahayag, ug tiunay nga serbisyo sa tibuok probinsya sa Bukidnon!