Gibutyag ni U.S. President Donald Trump nga napatay sa usa ka military strike sa Estados Unidos si Hector Rusthenford Guerrero Flores o nailhan nga si “Niño Guerrero,” ang lider sa gang sa prisohan sa Venezuela nga Tren de Aragua.
Sumala ni Trump, gihimo sa U.S. Southern Command ang paspas ug koordinadong operasyon uban ang tabang sa mga awtoridad sa Venezuela. Gikumpirma sad ni Defense Secretary Pete Hegseth nga namatay si Guerrero sa maong opensiba.
Matud usab sa information ministry sa Venezuela, adunay nahitabong engkwentro batok sa mga miyembro sa mga kriminal nga grupo ug napatay si Guerrero sa operasyon nga gihimo pinaagi sa intelligence sharing ug specialized technology sa duha ka nasud.
Dugay nang gipahamtangan sa U.S. og mga sanction si Guerrero ug ang uban pang lider sa Tren de Aragua tungod sa giingong kalambigitan niini sa drug smuggling, human trafficking, ug money laundering.
Giila usab sa U.S. State Department ang maong grupo isip usa ka foreign terrorist organization.