Gi-lunsad kagahapong adlawa sa mga civil society, akademiko, ug mga grupo sa simbahan ang “Bantay Impeachment” campaign aron awhagon ang publiko sa pag-bantay sa nagpadayong impeachment proceedings batok kang Vice President Sara Duterte.
Mitambong usab sa pag-lunsad ang mga miyembro sa House prosecution team nga sila si Bicol Saro Party-List Rep. Terry Ridon, Manila Rep. Joel Chua, ug Kabataan Party-List Rep. Renee Co isip pagpakita og suporta sa inisyatiba.
Lakip sa mga gi-andam nga aktibidad mao ang mga forum, watch party, rally, ug uban pang mga programa aron masundan ang proseso sa impeachment, igabutyag ang bisan unsang pagsulay sa pagbabag niini, ug dasigon ang partisipasyon sa mga lungsuranon.
Matud pa ni Professor David San Juan gikan sa Taumbayan Ayaw sa Magnanakaw, kinahanglan nga timbangon ang mga ebidensya imbes nga babagan ang pagdungog.
Samtang, matod usab ni Joaquin Buenaflor sa Youth Rage Against Corruption, mahinungdanon ang isyu sa impeachment tungod kay ang matag piso nga napadulong sa korapsyon nga pondo nga kinahanglan mapahimuslan unta sa katawhan.