Tiklo sa hiniusang operasyon sa kapulisan ug Philippine Drug Enforcement Agency (PDEA) ang gikonsiderang Top 1 High-Value Individual (HVI) sa tibuok probinsya sa Bukidnon human kini nasakmitan sa drug buy-bust operation sa Purok 14, Barangay Laligan, Valencia City, niadtong Biyernes sa gabii, Hunyo 12.
Giila sa mga awtoridad ang dinakpan nga si alyas “Raffy,” 37-anyos. Narekober gikan sa suspetsado ang gibanabana nga 6.1 gramos sa gidudahang shabu nga adunay bili nga ₱41,480 base sa standard drug price. Gawas sa ilegal nga droga, nakuha usab sa iyang posisyon ang buy-bust money, duha ka dagkong sachet, cellphone, ug usa ka metal nga sudlanan nga gigamit sa pagtago sa maong kontrabando.
Sa kasamtangan, ang suspetsado nagtinggong na sa selda sa Valencia City Police Station alang sa saktong dokumentasyon. Samtang, ang mga narekober nga ebidensya gipadala na sa Bukidnon Provincial Forensic Unit alang sa laboratory examination isip preparasyon sa ipasaka nga kasong paglapas sa Republic Act 9165 o Comprehensive Dangerous Drugs Act of 2002 batok kaniya.