- Advertisement -
Nabulabog ang mga miyembro sa The Bishop ug The Philippine Trinitarian United Catholic Church Inc., human ilang nadiskubrehan nga gipunggotan na sa ulo ang lima ka relihiyosong mga rebulto sulod sa kapilya sa Purok 3, Barangay Colonia, Valencia City, Bukidnon.
Matod ni May Ann Vista, usa ka lider sa simbahan, nga sa wala pa kini matawo, anaa na ang mga estatwa sa ilang kapilya apan nakurat sa iyang nakita nga wala nay ulo ang mga imahe.
Dali kining gireport sa Valencia City Police Station aron itaho ang insidente.
- Advertisement -
Dugtong niini, adunay kalisod sa pag-ila ang mga otoridad gumikan matud pa tungod kay guba ang CCTV sa lugar.
Nanawagan ang mga miyembro sa kapilya alang sa hustisya sa maong panghitabo.
- Advertisement -