Giakusahan ni Senate President Alan Peter Cayetano ang Malacañang nga aduna matud pa kini kalabutan o pagpanghilabot sa nagpadayong panagbangi sa liderato sa Senado.
Kini human ilha sa administrasyon isip acting Senate President si Senador Sherwin Gatchalian.
Sa usa ka pangtigom gipahayag ni Cayetano nga aduna nay duha ka Senado karon, ang lehitimong Senado ug ang gitawag niini nga “Senate of Malacañang.”
Dugang pa sa senador, mibalibad ang kampo ni Gatchalian nga dawaton ang tanyag nga temporaryong solusyon aron malikayan nga maapektuhan ang mga empleyado sa Senado samtang wala pa masulbad ang maong bikil sa liderato.
Gisaysay ni Cayetano nga nagpadala kini og sulat ngadto sa giila nga si Senate Secretary nga si Atty. Jose Luis Montales aron mosugyot nga dungan sila ni Gatchalian nga mupirma sa mga importanteng dokumento sa Senado.
Kini aron masiguro matud pa nga walay mabalda o mahimong problema sa sweldo ug uban pang transaksiyon sa mga empleyado.