Red Cross gikabalak-an ang sitwasyon sa Gaza

Gikabalak-an sa International Committee of the Red Cross (ICRC) ang nagkagrabe nga kahimtang sa Gaza.

Kini tungod sa padayon nga pagpang-atake sa Israel sa Gaza nga hinungdan sa pagkamatay sa gatusan ka mga tawo.

Sa pinakabag-ong pagpamatay sa Israel, misaka na sa 95 ka tawo ang namatay sulod lang sa usa ka adlaw.

Nagpakita usab og kabalaka ang United Nations (UN) sa posibilidad nga motaas pa ang ihap sa mga mamatay tungod sa kagutom human pugngan sa Israel ang pag-apod-apod sa pagkaon ug tambal.

Kahinumduman nga daghan na usab nga mga nasud ang misaway sa padayong pag-atake sa Israel sa Gaza nga nakaresulta sa pagkakalas sa daghan kinabuhi sa mga sibilyan.