Giklaro ni Senator Erwin Tulfo nga ang nahitabong panagtigom sa plenaryo sa senado niadtong Hunyo 4, dili matawag nga pormal nga “hearing” kundili usa ka “forum” lamang nga gipanguluhan ni Senator Rodante Marcoleta.
Matud ni Tulfo, wala natala o na-record ang maong hisgutanan maong dili kini gilakip sa opisyal nga proseso sa Senado.
Dugang pa ni Tulfo, mas angayan nga mutambong ang mga nalambigit sa opisyal nga pagdungog sa Blue Ribbon Committee nga gitakdang ipahigayon sa Lunes, Hunyo 8, 2026.
Sa maong hearing, gilaumang ipatawag pag-usab ang 18 nga kanhing miyembro sa Philippine Marines para tubagon ang mga pangutana nga wala mahisgutan sa forum, lakip na ang mga pangalan nila Senadora Loren Legarda ug Senador Mark Villar nga anaa sa mga affidavit pero wala mahisgutan sa testimonya.
Sa forum, nigawas ang alegasyon nga adunay maleta-malatang salapi diin gihatag ngadto nila Tulfo ug kanhing Senate President Vicente “Tito” Sotto III.
Samtang hugot nga gilimod kini sa duha ug gitawag nga “dakong panghimakak” ug “planadong propaganda.”