Miabot na sa Pilipinas ang 21,000 metric tons sa liquefied petroleum gas (LPG) nga gipalit sa kagamhanan isip kabahin sa Emergency Energy Security Program sa Department of Energy (DOE). Ang maong kargamento gikan sa Texas, USA ug nidunggo bag-ohay lamang sa terminal sa South Pacific Inc. sa Calaca, Batangas.
Ang kargamento naglangkob sa 50% nga refrigerated propane ug 50% nga refrigerated butane, nga gitumong aron palig-onon ang reserba sa sugnod sa nasud aron malikayan ang kakuwang sa suplay panahon sa emerhensiya sa enerhiya.
Tungod sa pag-abot niini nga shipment, miabot na sa dul-an 42 ka adlaw ang national LPG inventory sa Pilipinas, nga mas taas kon itandi sa gikinahanglan nga minimum nga pito ka adlaw. Bisan pa niini, nagpabiling taas ang presyo sa LPG sa merkado tungod sa global market volatility.
Sa pagkakaron, ang usa ka 11-kilong cylinder nagkantidad na og kapin ₱1,700.