Padayon ang pagsaka sa export sa Pilipinas human kini miusbaw og 6.3% niadtong Abril, nga nagtimaan sa ika-16 nga sunod-sunod nga bulan sa pag-uswag niini.
Base sa pasiunang datos gikan sa Philippine Statistics Authority, miabot sa $7.21 bilyon ang kinatibuk-ang kita sa export sa maong bulan.
Gikan sa Enero hangtod Abril, nakatala ang nasud og $29.93 bilyones nga balor sa eksport, nga mas taas kon itandi sa $26.93 bilyones sa susamang panahon sa miaging tuig.
Gipahayag ni Trade Secretary Cristina Roque nga nagpakita kini og lig-on nga momentum taliwala sa mga hagit sa global trade environment.
Matud pa sa kalihim, padayon ang lokal nga kagamhanan nga nakig-alayon sa pribadong sektor ug mga international partners aron mas mapalig-on ang katakos ug kakompetensya sa mga exporters sa Pilipinas.
Nag-una gihapon sa listahan ang mga produktong elektroniko nga nakakuha og $3.44 bilyon o hapit katunga sa kinatibuk-ang kita.
Gipaluyohan kini sa nagkataas nga panginahanglan sa mga consumer electronics ug mga ekipo alang sa makabag-ong teknolohiya sama sa artificial intelligence ug Internet of Things.