Ang pangalan usa ka dakong mahinungdanon nga butang kanato diin ilhanan sa atong identipikasyon apan adunay lalaki sa Japan dili malipayon nga ginganlan kini og ‘Happy’.
Namugma ang maong ngalan gumikan sa kalipay sa ginikanan nga miabot ang ilang anak sa ilang kinabuhi apan wala mauyonan sa anak ang ilang desisyon sa pangalan niini og Happy.
Mipaambit si Happy sa mga kaagi niini niadtong bata pa nga nakaangkon siya sa pag-abuso ug pagdaogdaog hangtud high school padulong kolehiyo.
Gibasol usab niini ang iyang pangalan sa malas nga kahimtang sa iyang love life.
Nakaagi usab si Happy, sa kalisod sa pagpangita niini og trabaho diin wala usab giseryoso sa mga kompanya nga giaplyan niini tungod sa iyang talagsaong pangalan.
Apan miabot ang tukma nga higayon nga adunay kompanya nga gi isip usa ka swerte ang pangalan ni Happy og nakakaplag na kini og trabaho.