Nagpadayag og dakong pagpasalamat si Department of Education kon DepEd Secretary Juan Edgardo “Sonny” Angara sa probinsyal nga panggamhanan sa Agusan del Sur tungod sa world-class ug impresibong pag-host sa Palarong Pambansa 2026.
Sa eksklusibong pakighinabi sa Bombo Radyo Philippines, sigon sa kalihim nga nindot ang performance sa mga atleta karong tuiga ug nagpakita og kalamboan sa national sporting event.
Gipadayag usab si Anggara nga maghimo sila og assessment aron matino kung unsa pay mga aspeto ang kinahanglan pa nga palamboon sa umaabot nga edisyon sa Palaro.
Gipasalamat niya ang tanan nga nahimong kabahin sa kalampusan sa maong dako nga kalihokan, ilabi na ang mga atleta, coaches, delegations, ug ang mga ginikanan nga padayon nga naghatag og suporta sa ilang mga anak.
Gipasidunggan ang mga teams nga duna’y tag-as nga performances kon kadtong nasulod sa Top 5 regions nga nanguna sa medal tally.
Gideklarang overall champion sulod na sa 19 ka mga tuig ang National Capital Region kon NCR human nanguna sa final and official overall medal tally.
Gisundan sila sa Region IV-A kon CALABARZON o Cavite, Laguna, Batangas, Rizal ug Quezon.
Ikatulo ang Region XI kon Davao Region nga gisundan sa Region VII kon Central Visayas dayon ang Region VI kon Western Visayas ug ika-unom ang host province.
Hingpit na usab nga na-turn over ang hosting sa sunod nga palaro ngadto sa Quezon City kansa gidawat ni Mayor Maria Josefina ‘Joy’ Tanya Belmonte.
Nahimong finale ang grand unity dance nga duna’y titulong “We Rise As One: The Ultimate Palaro Dream” kansa nag-feature sa mga local artistsmga opisyal ug mga delegates.