Andam na ang Estados Unidos nga maglunsad na usab og mga operasyong militar ug pag-atake batok sa Iran sakaling mapakyas ang nagpadayong negosasyon alang sa kalinaw, sumala ni US Defense Secretary Pete Hegseth.
Gihimo ni Hegseth ang maong pamahayag atol sa Shangri-La Dialogue didto sa Singapore, taliwala sa gihimong paningkamot sa mga negotiator sa Washington ug Tehran nga masulbad ang mga dagkong panagbangi nga nagpalangan sa usa ka permanente nga kasabotan. Gideklara sa opisyal nga duna’y “igong kakayahan” ang Amerika nga ipadayon ang ilang pwersa militar kon gikinahanglan.
Kini human nagpulong si US President Donald Trump ug ang iyang mga top aide didto sa Situation Room sa White House niadtong Biyernes aron desisyonan ang giduso nga 60-day ceasefire extension (pagpalawig sa tigil-putukan) uban sa Iran, apan natapos ang maong tigom nga walay nakab-ot nga klarong kasabotan. Bisan pa man niini, nagpabilin ang bahad sa US samtang padayon nga gihisgutan ang mga isyu sa maong rehiyon.