Hingpit nang nakasulod sa trabaho ang 310 ka mga kanhi empleyado sa Sanjia Steel Corporation nga na-displace pinaagi tabang sa programang Tulong Panghanapbuhay sa Ating Disadvantaged/Displaced Workers (TUPAD) program sa Department of Labor and Employment (DOLE)-10.
Gikumpirma ni DOLE-10 Technical Director Atheneus JV Vasallo sa Bombo Radyo nga human madungog ang mulo sa mga trabahante, dinaliang gimandoan ni DOLE-10 Regional Director Jeffrey Suyao ang paghimo og profiling aron mahatagan sila og dinaliang panginabuhian.
Kahinumduman nga ang planta sa maong kumpanya nga nahimutang sulod sa PHIVIDEC Industrial Estate gironda niadtong Mayo 14 gumikan sa seryosong labor violations, lakip na ang pagkaplag sa radioactive chemicals sa gigamit nga sagol sa kabilya ug ang pagkasikop sa 69 ka mga undocumented Chinese Nationals.