Pormal nang miatras ug nag-withdraw sila si Alexandra “Alex” Eala ug ang iyang partner nga si Victoria Mboko sa nagpadayong doubles tournament sa 2026 French Open.
Kini base sa updated nga draw nga gipagawas, diin wala na makita ang pangalan sa duha ka batan-ong tennis stars. Gumikan sa ilang pag-atras, dinalian silang giilisan sa tandem nila ni Oksana Selekhmeteva ug Anastasia Zakharova nga maoy makatigi unta sa paresan nila ni Leylah Fernandez ug Diana Shnaider.
Nasayran nga una nang natapos ang kampanya sa garbo sa Pilipinas nga si Eala sa singles division human kini mapildi batok kang Iva Jovic sa iskor nga 6-4, 6-2. Samantala, padayon gihapon ang dula ni Mboko sa singles competition diin gilauman nga makigsangka siya batok kang Katerina Siniakova alang sa ikaduhang hugna sa kompetisyon.