Usa ang patay ug duha ang samaran sa natigayong pagpamusil sa Sitio Damitan, Brgy. Dalwangan, Malaybalay City kagabie.Naila ang namatay nga si Mark Niel Idagan, 42 anyos, residente sa maong lugar.
Samtang angol ang mga ginikanan niini nga sila Edgar Dalaut, 65 anyos, nga naigo sa paa, ug si Perlita Idagan, 72 anyos, nga nasamdan sa tiyan ug nabali ang wala nga kamot kansa daling gidala sa balay tambalanan.
Sumala ni Purok Chairman Sofronio Quimba, nga maoy unang nakaresponde sa nahitaboan posibleng nga personal nga motibo ang hinungdan sa pagpamusil.Pagkahuman sa insidente, duha ka suspetsado ang nakitang nangilog og motorsiklo sa sentro sa Barangay Dalwangan nga ilang gigamit aron makasibat.
Sa parte sa kapulisan padayon ang ilang imbestigasyon aron maila ang mga responsable ug mahatagan ug hustisya ang mga biktima. Gani daghan nga mga basiyo sa bala ang ilang narekober sa crime scene.