Personal nga dumot ang gilantaw nga motibo sa kapulisan sa pagpamusil-patay sa usa ka 38-anyos nga babaye didto sa Purok 6, Barangay San Roque, lungsod sa Maramag. Base ngadto sa Maramag Municipal Police Station, nag-atiman sa ilang baboyanan sa luyo sa balay ang biktima sa dihang kalit kining gipusil sa wala mailhing suspek gamit ang 12-gauge shotgun.
Matud sa imbestigasyon, nakadungog na lamang og usa ka buto sa pusil ang bana ug anak sa biktima ug sa ilang paggawas, nagbuy-od na kini sa yuta. Gidala pa sa ospital ang biktima apan gideklara kining dead on arrival sa mga doktor.
Sa pagkakaron, nagpahigayon na og hot pursuit operation ang mga otoridad batok sa giingong suspek nga giila lamang sa alyas “Dodoy,” 36-anyos, samtang ang maong insidente giingong anaa na sa kustodiya sa Maramag PNP alang sa dugang imbestigasyon ug saktong disposasyon.