Gikwestyon ni Senador Imee Marcos ang iyang kabalaka sa sunod-sunod nga paglimod sa nagkalainlaing ahensya sa gobyerno kalabot sa giingong operasyon batok kang Senador Ronald dela Rosa.
Matud ni Marcos, nakurat kini gumikan nga ang nagkalainlaing opisyal ug ahensya lakip ang Malacañang ug National Bureau of Investigation ang paglimod nga sila maoy nagmando sa giingong operasyon.
Gibutyag usab niini nga adunay nadakpan nga personahe nga miangkon nga konektado sa NBI ug giingong gisugo sa iyang superior, samtang adunay tactical bag nga nabilin nga ilang gigamit isip basihan nga adunay operatiba sa NBI nga nalambigit sa insidente.
Gikumpirma usab ni Marcos nga adunay kasabutan alang sa joint investigation uban ni Department of the Interior and Local Government (DILG) Secretary Jonvic Remulla, apan nabalaka kini nga adunay mga opisyal nga naghatag dayon og konklusyon bisan wala pa mahuman ang pormal nga imbestigasyon.
Gipasabot usab sa senadora nga kinahanglan sundon ang hustong legal nga proseso kon adunay warrant gikan sa International Criminal Court batok kang Dela Rosa, lakip ang pag-agi niini sa Interpol, Philippine Center on Transnational Crime, ug sa mga korte sa Pilipinas.
Gidugang ni Marcos nga kinahanglan malikayan ang giingon niyang “kidnapping style” nga susama sa nahitabo kang kanhing Presidente Rodrigo Duterte ug kinahanglan gihapon sundon ang Konstitusyon ug balaod sa nasud.