Padayon karon nga nagpaalim sa balayl tambalanan ang usa ka magtiayon human gitigbas sa usa ka hubog nga suspek sa Barangay Tugop, San Fernando, Bukidnon, niadtong Mayo 5.
Sa imbestigasyon sa kapulisan, pauli na unta gikan sa uma ang mga biktima sa Purok 5, Sitio Abijid, sa dihang ilang nakasugat ang suspek nga giila sa alyas “Bebeb,” 40 anyos. Nasayran nga ubos sa impluwensya sa makahubog nga ilimnon ang suspek ug armado og sundang sa dihang nahitabo ang mainitong lalis tali sa duha ka kampo.Sa kalit nga pag-atake, nakaangkon og seryosong samad tinigbasan sa lawas ug bukton ang bana, samtang nasamdan usab ang asawa sa tudlo sa dihang misulay kini sa pag-ilog sa hinagiban.
Mikalagiw ang suspek dala ang gigamit nga sundang human sa insidente. Sa pagkakaron, gilusad na sa San Fernando Municipal Police Station ang hot pursuit operation batok sa maong suspek samtang padayong nagpaalim ang mga biktima sa Bukidnon Provincial Hospital.