Dakpan sa kapulisan ang usa ka suspek nga gituohang nalambigit sa ilegal nga droga atol sa buy-bust operation sa Brgy. Sta. Cruz, Tagoloan.
Naila ang nadakpan sa alyas nga “Bossing,” 38-anyos ug residente sa maong lugar. Ang operasyon gipahigayon sa mga operatiba sa RPDEU-10 uban ang ubang yunit sa kapulisan, nga may koordinasyon sa Philippine Drug Enforcement Agency.
Sa operasyon, nakuha ang kapin 120 gramo sa gidudahang shabu nga adunay balor nga ₱816,000. Lakip sa nakuha ang mga sachet sa droga, buy-bust money, cellphone, coin purse ug usa ka motorsiklo.
Ang suspek anaa na sa kustodiya sa Maharlika Detention Facility samtang ang ebidensya gipadala sa Regional Forensic Unit 10 alang sa eksaminasyon.
Sa pagkakaron, gikatakdang pasakaan og kaso ubos sa Republic Act No. 9165 ang nadakpan.