Gitambakan sa Toronto Raptors ang Cleveland Cavaliers aron bulsaon ang Game 3 sa nagpadayon nga NBA Playoffs 2026. Wala na nakapugong ang Cavaliers sa gilusad nga 4th quarter surge sa Raptors diin mipaulan og 43 puntos ang Toronto samtang 23 puntos lamang ang nahimong tubag sa Cleveland.
Sa katapusan, gitapos sa Raptors ang duwa bitbit ang dako nga 22 puntos nga bentaha pinaagi sa gipakita nga dominasyon sa ilang mga pambato.
Sila si Scottie Barnes ug RJ Barrett ang nanguna sa Toronto diin parehong mitali og 33 puntos ug mitala og impresibong  58%  field goal percentage.
Sa pikas bahin, nalubong sa depensa ang mga shooter sa Cavaliers nga sila si James Harden ug Donovan Mitchell human malimitahan si Harden sa lima ka field goals samtang si Mitchell igo lamang nakapasulod og usa ka tres gikan sa pito ka pagsulay.