Paspas nga misaka ang presyo sa krudo human sa mga taho nga ang US Navy gipabuthan ug misakmit sa usa ka Iranian-flagged cargo ship sa Gulf of Oman, nga giingong naningkamot nga makalikay sa usa ka naval blockade.
Gikataho nga gihulga sa Iran ang diha-diha nga pagpanimalos sa insidente, nga gitawag niini nga “armed piracy,” samtang nagpadayon ang tensyon tali sa US ug Iran sa rehiyon.
Diin naapektuhan niini ang suplay sa Strait of Hormuz, usa ka importanteng ruta sa lana sa kalibutan—nga misangpot sa pagsaka sa presyo sa krudo sa US ngadto sa $87.90 matag bariles ug Brent crude ngadto sa $95.64.
Hinuon, una nang miubos ang mga presyo human naglaum ang merkado nga posible nga maablihan ang ruta, apan kini nabaliktad sa bag-ong pag-usbaw sa panagbangi.
Taliwala sa krisis, ang mga panagsultihanay sa kalinaw nagpabilin nga lisod tungod kay ang Iran nagdumili sa bag-ong mga panagsultihanay sa Pakistan tungod sa nagpadayon nga pagbabag sa US.