Drayber sa Talakag, tingkagol sa selda tungod sa kasong malicious mischief

Tingkagol sa selda sa kapulisan ang usa ka drayber human kini malampusong nadakpan sa mga otoridad tungod sa giatubang nga kasong malicious mischief niadtong Abril 20, 2026, sa Camp Suarez, Barangay 2, Talakag, Bukidnon.

Giila ang dinakpan nga si Kerwin Tapnayan Daquinan alyas “Edo,” 27-anyos ug residente sa Sitio Malinao, Barangay Dagundalahon sa maong lungsod.

Ang maong kaso nagsumikad sa giingong tinuyo nga pagpangdaot sa kabtangan sa laing tawo. Girekomenda sa korte ang piyansa nga mobalor sa P10,000 alang sa temporaryong kagawasan sa nahisgutan.

Sa pagkakaron, nagpabilin ang dinakpan sa custodial facility sa Talakag MPS samtang gihan-ay na ang mga gikinahanglang dokumentasyon alang sa saktong disposisyon sa iyang kaso.