Kawatan nadakpan sa Iligan city human mibalik sa lugar nga iyang gikawatan tungod nabilin iyang cellphone!

Dakpan ang usa ka 43-anyos nga lalaki human mibalik sa lugar diin gihimo niini ang pagpangawat sa Purok 8, Brgy. Hinaplanon, Iligan City. 

Sumala sa Iligan City Police Station 1, nagpakaaron-ingnon ang suspek nga motawag samtang hilom nga gikuha ang cellphone sa empleyado sa usa ka karinderya nga nagkantidad og ₱6,000.

Human sa pag-ikyas sakay og motorsiklo uban ang kauban, nasayran sa suspek nga iyang kaugalingong cellphone ang nabilin sa lugar sa krimen.

Tungod sa pagbalik aron kuhaon ang iyang cellphone, nasakpan kini sa biktima ug mga bystander nga dayon nangayo og tabang sa kapulisan. Sa pagkakaron, anaa na sa kustodiya sa kapulisan ang suspek samtang padayon pang gipangita ang iyang kauban.